Meineme festiválii?

Manname Márkomennui? Eahpesihkkar goktes galgá birget Márkosámis? Dá leat veahá tipsat dutnje guhte háliidat buoragit gulahallat márkosápmelaččaiguin.

Čibbebávččas? Ale gille.

Goktes beassá dohko gosa háliida? Gonnes lea lagamus rámbuvra? Goktes beassá eret das? Go gažat geainnu márkosámi guovllus, muitte ahte márkosámi kompássa ii čuovo davvisámegielat standárda. Na lea márkosámegillii:

davvi = nuorta

oarji = davvi

lulli = oarji

nuorta = lulli

It ipmir it centimehter ge? Eai go márkosámit máhte earránit bađa gaigŋiras? Lea čielga logihkka dasa, jus veahá smiehtat. Jus muđui jurddašat fuck it: Geahččal jearakeahttá gámnat dohko gosa galggat. Márkosámi roulette.

Maid oaivvilda? Galggan go vástidit? Viehkat? Riŋget 112? Don leat čohkkáme festiválacamppas. Lea oalle ráfi. Hávski. Beaivvadat. Fáhkkestaga ihttá márkosápmelaš. Lea beare maŋŋit báhtarit. Márkosápmelaš boahtá dutnje njeaiga ja čuorvu goktes geavvá? Dát ii leat filosofalaš gažaldat ex.phil.-pensumas. Márkosápmelaš jearrá de dus mo duinna manná. Rivttes vástádus gažaldahkii lea beare buoragit. Ja go márkosápmelaš viimmat fas manná dajat sutnje hivás.

Leat go márkosápmelaččat várálaš hippiat? Leat go beare aktonassan? Jus márkosápmelaš jearrá dus anák gus beatnaga? Ale bala. Ii meine dus jearrat jus dus lea iežat beatnagiin dearvvašmeahttun gaskavuohta. Márkosápmelaš háliida dalle beare diehtit jus dus lea beana. Seamma lea jus jearrá dus anák gus biilla? anák gus sávžžaid? anák gus irggi/moarsi? Márkosápmelaččat soitet orrot várálažžan. Muhto dábálaččat eai leat.

Mat dat leat absurda idéat? Manin hearrán lea Sámediggi dasa juolludan ruđaid? Jus čuožžu prográmmagihpus ahte juoga oassi festivála prográmmas lea vievssis; ii leat nu bahá go orru. Prográmma ii leat dán jagi vievssis, boahtte jagi gussa ja 2014is thompsongasealla. Vieksi lea seamma go návet márkosámegillii. Vievssis orrot lihttarat. Smiehta veahá dán birra.

Maid ii galgga goassege dadjat márkosápmelažžii? Manin šaddá fáhkkestaga unohas jaskatvuohta go beare dadjá juohkebeaivválaš diŋgga? Čibbi? Lihkkat? Jus leat goassege smiehttan ahte sáhttá leat buorre jurdda muitalit márkosápmelažžii dán máidnasa: Lei nu lossat albmaládje lihkkat ahte fertejin guhka čippostallat lávus ovdal čuožžilin. Don’t go there. Hoala dálkki birra. Dahje MGP.

Ja jus lea geavvan nu ahte duođaid leat bákčasis; vaikko maid barggat, ale goassege daja na: Oh, mus lea čippis nu bávččas, fertet doalvut mu buohccevissui! Buoret alternatiiva lea beare vázzit dohko ieš. Jus beare dieđát guđe guvlui galggat mannat.

Dál de leat set to go! Buorre lihkku! Dahje nu go mii dadjat Márkosámis: Doala prillaid, anán goikku!

1 tanke på “Meineme festiválii?

  1. Tilbaketråkk: “Det der forbanna sametullet” | GULAK gus buzza?

Legg igjen en kommentar

Fyll inn i feltene under, eller klikk på et ikon for å logge inn:

WordPress.com-logo

Du kommenterer med bruk av din WordPress.com konto. Logg ut /  Endre )

Google-bilde

Du kommenterer med bruk av din Google konto. Logg ut /  Endre )

Twitter-bilde

Du kommenterer med bruk av din Twitter konto. Logg ut /  Endre )

Facebookbilde

Du kommenterer med bruk av din Facebook konto. Logg ut /  Endre )

Kobler til %s